"பிள்ளையார்" கதை

சிவனின் மனைவி பார்வதி குளிக்கப் போகையில் குளிக்குமிடத்தில் வேறுயாரும் வராமல் இருக்க தனது சரீரத்தில் உள்ள அழுக்குகளை உருட்டி அதை ஒரு ஆண் பிள்ளையாகும் படி செய்து அதை வாயிற்படியில் உட்கார வைத்து யாரையும் உள்ளே விடாதே என்று சொல்லி குளிக்கச் சென்றதாகவும், பின்னர் பரமசிவன் உள்ளே வர அப்போது ஆண் பிள்ளை அவரைத் தடுக்க, கோபம் கொண்ட பரமசிவன் அவன் தலையை அறுத்து எறிந்துவிட்டு பரமசிவன் உள்ளே செல்ல, அங்கு பார்வதி எப்படி உள்ளே வந்தீர்கள் என்று கேட்க, பரமசிவன் வாசலில் இருந்தவனின் தலையை வெட்டி விட்டு வந்ததாக கூற, உடனே பார்வதி உருண்டு, புரண்டு அழுததாகவும், பார்வதியின் துக்கத்தை தணிக்க வேண்டி வெட்டுண்ட தலையை ஒட்டவைத்து உயிர் கொடுக்க லாம் என்று கருதி அங்குவர, வெட்டுண்ட தலை காணாமல் போனதால், அருகிலிருந்த ஒரு யானை யின் தலையைவெட்டி முண்டமாக கிடந்த குழந்தை யின் கழுத்தில் ஒட்ட வைத்து அதற்கு உயிர் கொடுத்து பார்வதியை திருப்தி செய்ததாக கதை சொல்லப் படுகிறது.

நம் சிந்தனைக்கு:

திரட்டுகின்ற அளவுக்கு பார்வதியின் உடம்பில் அழுக்கென்றால் பார்வதி குளித்து எத்தனையோ வருடம் ஆகியிருக்கவேண்டும். வெட்டப்பட்ட தலை எங்கு போயிருக்கும், அப்படியே தொலைந்து போனாலும் அதை பரமசிவனால் கண்டு பிடிக்க முடியாதா?. உலகுக்கு படியளக்க சென்ற பரமசிவனை சோதிக்க பார்வதி ஒரு எறும்பை ஒரு டப்பாவுக்குள் அடைத்து அதை தன் சேலை முந்தானையில் முடிந்து வைத்ததாகவும் ஆனால் பரமசிவன் அதற்கும் ஒரு தானியம் போட்டாராம். அவ்வளவு சக்தி படைத்த வர் வெட்டுண்ட தலையை கண்டு பிடிக்க முடியாதா?

Source: Unmaionline